Testo di: Libero Bovio Musica di: Francesco Buongiovanni Arrangiamento: Pino PRESTI Durata: 5'10'' Editore: s.lucia Musicisti: ORCHESTRA: PINO PRESTI
Mia
cara madre,<br />
sta pe' trasí Natale,<br />
e a stá luntano cchiù mme sape amaro....<br />
Comme vurría allummá duje o tre biangale...<br />
comme vurría sentí nu zampugnaro!...<br />
<br />
A 'e ninne mieje facitele 'o presebbio<br />
e a tavula mettite 'o piatto mio...<br />
facite, quann'è 'a sera d<i>a Vigilia,<br />
comme si 'mmiez'a vuje stesse pur'io...<br />
<br />
E nce ne costa lacreme st'America<br />
a nuje Napulitane!...<br />
Pe' nuje ca ce chiagnimmo 'o cielo 'e Napule,<br />
comm'è amaro stu ppane!<br />
<br />
Mia cara madre,<br />
che só', che só' 'e denare?<br />
Pe' chi se chiagne 'a Patria, nun só' niente!<br />
Mo tengo quacche dollaro, e mme pare<br />
ca nun só' stato maje tanto pezzente!<br />
<br />
Mme sonno tutt</i>e nnotte 'a casa mia<br />
e d<i>e ccriature meje ne sento 'a voce...<br />
ma a vuje ve sonno comm'a na "Maria"...<br />
cu 'e spade 'mpietto, 'nnanz'ô figlio 'ncroce!<br />
<br />
E nce ne costa lacreme st'America<br />
<br />
Mm'avite scritto<br />
ch'Assuntulella chiamma<br />
chi ll'ha lassata e sta luntana ancora...<br />
Che v'aggi</i>a dí? Si 'e figlie vònno 'a mamma,<br />
facítela turná chella "signora".<br />
<br />
Io no, nun torno...mme ne resto fore<br />
e resto a faticá pe' tuttuquante.<br />
I', ch'aggio perzo patria, casa e onore,<br />
i' só' carne 'e maciello: Só' emigrante!<br />
<br />
E nce ne costa lacreme st'America